മക്ക:
കേരളത്തിലെ പ്രമുഖ സ്വകാര്യ ഹജ്ജ് ഗ്രൂപ്പായ SYS ഹജ്ജ് സെല്ലിന്റെ
നേതൃത്വത്തിലുള്ള ഹജ്ജ് സംഘം മക്കയിലെത്തി. കഴിഞ്ഞ ദിവസം പുലർച്ചെ ജിദ്ദ
വിമാനത്താവളത്തിലെത്തിയ സംഘം മക്കയിലെത്തി ഉംറ നിർവഹിച്ചു.സുപ്രസിദ്ധ
പണ്ഡിതനും വാഗ്മിയും SSF മുൻ സംസ്ഥാന വൈസ് പ്രസിഡന്റുമായിരുന്ന ദേവര്ശോല
അബ്ദുസലാം മുസ്ലിയാരാണ് സംഘത്തെ നയിക്കുന്നത്. മക്കയിലെ ആരാധനകളും പുണ്യ
സ്ഥലങ്ങളിലെ സന്ദർശനങ്ങളും പൂർത്തിയാക്കി ദുൽഖഅദ് 25 ന് മദീനയിലേക്ക്
തിരിക്കുന്ന സംഘം മദീന സന്ദർശനത്തിന് ശേഷം ദുലഹ്ജ്ജ് 6 നു മദീനയിലെ അബിയാർ
അലിയിൽ നിന്ന് ഹജ്ജിനു ഇഹ്റാം ചെയ്തു മിനയിലേക്ക് പുറപ്പെടും. ഹറമിന്റെ
അടുത്ത് ജബൽ അൽ കഅബ റോഡിലെ കെൻസി ഹോട്ടെലിലാണ് സംഘം താമസിക്കുന്നത്.
SYS
ഹജ്ജ് സംഘത്തിനു മക്കയിലെ ICF, RSC പ്രവർത്തകർ ഊഷ്മളമായ സ്വീകരണം നല്കി.
വളണ്ടിയർ ക്യാപ്ടൻ ഉസ്മാൻ കുറുകത്താ ണി, വളണ്ടിയർ ചീഫ് കോർഡിനേറ്റർ നജിം
തിരുവനന്തപുരം, കോർഡിനേറ്റർ ശുഹൈബ് പുത്തൻപള്ളി , എഞ്ചി .മുനീര് വാഴക്കാട്,
വൈസ് ക്യാപ്ടൻ മാരായ മുഹമ്മദലി വലിയോറ , അബ്ദുസമദ് പെരിമ്പലം, സിറാജ്
വില്യാപ്പള്ളി, സാദിഖ്‌ സഖാഫി കുന്നുംപുറം നേതൃത്വം നല്കി.
No comments:
Write comments