ഹോളി ഖുർആൻ അവാർഡ് വിതരണം ചെയ്തു ,മത്സരത്തിൽ സൗദിയ അറബിയ ഒന്നാം സ്ഥാനം നേടി

ദുബൈ രാജ്യാന്തര ഹോളി ഖുർആൻ അവാർഡ് പരിപാടി ഉജ്ജ്വലമായി    സമാപിച്ചു. ഇന്നലെ നടന്ന പ്രൗഢമായ ചടങ്ങിൽ  യു എ ഇ ലെ പ്രമുഖ പണ്ഡിതനായ  അൽ അല്ലാമാ ശൈഖ് മുഹമ്മദ് അലി സുൽത്താനുൽ ഉലമ ഇസ്‌ലാമിക് വ്യക്തിത്വ പുരസ്കാരം ഏറ്റുവാങ്ങി . ഖുർആൻ മത്സരാർത്ഥികളിൽ നിന്നു പത്തു  പ്രതിഭകൾ  ഉന്നത വിജയം നേടി ജേതാക്കളായി .  ഒന്നാം സ്ഥാനം  സൗദിയ അറബിയ സ്വദേശി  തുർക്കി ബിൻ മുക്‌ റിം ബിൻ അഹ്‌മദ് അബ്ദുൽ മുനീം(20 വയസ് ) കരസ്ഥമാക്കിയപ്പോൾ    ഡാഗിസ്താൻ സ്വദേശി ബിലാൽ അബ്ദുൽ ഖാലികോവ് (17 വയസ് ) , അമേരിക്കൻ  സ്വദേശി അദീൻ ഷഹ്സാദ് റഹ്‌മാൻ (15 വയസ്‌ ) എന്നിവർ രണ്ടാം സ്ഥാനം നേടി  , ലിബിയ സ്വദേശിഅബ്ദുൽ റഹ്മാന് അബ്ദുൽ ജലീൽ , അബ്ദുല്ല അൽ മഅമൂൻ (ബംഗ്ളാദേശ് ) ഇരുവരും നാലാം സ്ഥാനത്തെത്തി  , ഇബ്രാഹിം ഇസ്‍മാഈൽ  ( നൈജർ),  ഇഖ്‌ഹാ ബെയ്‌തത്‌ ( മൗറിത്താനിയ) എന്നിവർ ഏഴാം സ്ഥാനത്തായി,  തൗഫീഖ് അബ്ദലി (അൾജീരിയ ) , ജാസിം ഖലീഫ (ബഹ്‌റൈൻ ) , മാലിക് അദ്‌നാൻ ( ജോർദാൻ ) എന്നീ മൂന്നു പേർ എട്ടാം സ്ഥാനം പങ്കിട്ടു . പുണ്യം നിറഞ്ഞ റംസാനിലെ 12 രാതികളിലായി  81 രാഷ്ട്രങ്ങളിലെ മത്സരാർത്ഥികളാണ് മാറ്റുരച്ചതു.