പണ്ഡിതര്‍ പൊതു ജനങ്ങളിലേക്ക് സന്ദേശമെത്തിക്കണം: നെല്ലിക്കുത്ത് ഉസ്താദ്

കാരന്തൂര്‍: ഇസ്ലാമിനെതിരെ പ്രചരിപ്പിക്കപ്പെടുന്ന തെറ്റിദ്ധാരണകള്‍ തിരുത്തിക്കൊടുക്കേണ്ടത് പണ്ഡിതന്മാരുടെ കടമയാണെന്ന് നെല്ലിക്കുത്ത് ഇസ്മായില്‍ മുസ്ല്യാര്‍ പ്രസ്താവിച്ചു. പൊതു ജനങ്ങള്‍ക്കുണ്ടാകുന്ന സംശയങ്ങള്‍ക്ക് മറുപടി പറയാനും പണ്ഡിതന്മാര്‍ തയ്യാറാകണം. സമൂഹത്തിന്റെ വിവിധ മേഖലകളില്‍ പ്രവര്‍ത്തിക്കുന്നവരിലേക്ക് ഇസ്ലാമിന്റെ സന്ദേശമെത്തിക്കണമെന്നും നെല്ലിക്കുത്ത് ഉസ്താദ് പറഞ്ഞു. മര്‍ക്കസ് പണ്ഡിത സമ്മേളനം ഉല്‍ഘാടനം ചെയ്ത് പ്രസംഗിക്കുകയായിരുന്നു അദ്ധേഹം. എ കെ അബ്ദുര്‍റഹ്മാന്‍ മുസ്ല്യാര്‍ അദ്ധ്യക്ഷത വഹിച്ചു. പേരോട് അബ്ദുര്‍റഹ്മാന്‍ സഖാഫി സ്വാഗതം പറഞ്ഞു.