ആവേശമായി വിഭവസമാഹരണം

ആവേശമായി വിഭവസമാഹരണം

കാരന്തൂര്‍ : സമ്മേളനത്തിന്റെ ആരവങ്ങള്‍ക്ക് കാതോര്‍ക്കുന്ന മര്‍ക്കസിന്റെ മുറ്റത്ത് പുതിയൊരാവേശത്തിളക്കം. നൂറോളം വാഹനങ്ങളിലായി ആവേശം അല തല്ലിയ അന്തരീക്ഷത്തില്‍ വിഭവസമാഹാരണവുമായി പ്രവര്‍ത്തക വ്യൂഹം മര്‍ക്കസിന്റെ അങ്കണത്തെ വിഭവഹാരമണിയിച്ചപ്പോള്‍ പ്രാര്‍ത്ഥനയുംസ്വീകരണവുമായി അന്തേവാസികള്‍ തക്ബീര്‍ ധ്വനികളാല്‍ ആര്‍ത്തു വിളിച്ചു. വയനാടിന്റെയും പാലക്കാടിന്റെയും വിഭവസമാഹരണം ത്രിവര്‍ണ്ണ പതാകയേന്തിയ ചരക്ക് വണ്ടികളിലായി എത്തിയതിന് പിറകെ കോഴിക്കോടിന്റെ വാഹനവ്യൂഹവും കുതിച്ചെത്തി. ആശിര്‍വാദവുമായി എ പി ഉസ്താദ് ഒപ്പം നടന്നപ്പോള്‍ പ്രവര്‍ത്തകര്‍ക്ക് ധന്യ നിമിഷങ്ങളായിരുന്നു. വരും നാളുകളില്‍ വിവിധ ജില്ലകളിലെ പ്രവര്‍ത്തകരുടെ പരമാവധി വിഭവസമാഹരണങ്ങളും മര്‍ക്കസിലെത്താനിരിക്കുന്നതേയുള്ളൂ. തുടര്‍ന്ന് ഓഡിറ്റോരിയത്തില്‍ നടന്ന പ്രാര്‍ത്ഥനക്ക് ജില്ലാനേതാക്കളുടെ സാന്നിദ്ധ്യത്തില്‍കാന്തപുരം ഉസ്താദ് നേതൃത്വം വഹിച്ചു.