ചാമ്പിൻഷീപ് നേടിയവർക്ക് വി പി എം ഫൈസി വില്യാപ്പള്ളി ഉസ്താദ് ട്രോഫി വിതരണം നടത്തി

കാരന്തൂർ : മർകസ് സൈത്തൂൺ വാലി ഇമ്പ്രിന്റ്സ് 2017 നോടനുബന്ധിച്ചു ഒരു മാസത്തോളമായി നടന്ന വിവിധ  പരിപാടികൾ കലാ സാഹിത്യ മത്സരത്തോടെ   സമാപിച്ചു . വാദി ഹസൻ , വാദിബദ്ർ , വാദി മുഖദ്ദസ് , വാദി ത്വയ്‌ബ  എന്നീ നാല് ഗ്രൂപ്പുകളിലായി  മുന്നൂറോളം വിദ്യാർത്ഥികൾ 97 ഇന    മത്സരങ്ങളിലാണ് മാറ്റുരച്ചതു . സമാപന സമ്മേളനം സയ്യിദ്  മുഹമ്മദ് ജസീൽ സഖാഫി ഉൽഘടനം ചെയ്തു .സുന്നി ജംഇയ്യത്തുൽ മുഅല്ലിമീൻ സംസ്ഥാന ട്രഷറർ  വി പി എം ഫൈസി  വില്യാപ്പള്ളി  മുഖ്യ പ്രഭാഷണം നടത്തി. മൂസ സഖാഫി  പാതിരമണ്ണ, പ്രിൻസിപ്പാൾ ഇസ്‌മാഈൽ മദനി എന്നിവർ പ്രസംഗിച്ചു . കല സാഹിത്യ മത്സരത്തിൽ  ഏറ്റവും കൂടുതൽ പോയന്റ് നേടിയ വാദിമുഖദ്ദസിനു  ചാമ്പിൻഷീപ്     ട്രോഫി വി പി എം ഫൈസി  വില്യാപ്പള്ളി  വിതരണം നടത്തി. രണ്ടാം സ്ഥാനം നേടിയ വാദി ഹസനുള്ള ട്രോഫി ജൂനിയർ ശരീഅഅത്  പ്രിൻസിപ്പാൾ ബഷീർ സഖാഫി കൈപ്പുറം നൽകി .  ഹിഫ്‌ളുൽ ഖുർആൻ വിദ്യാർത്ഥികൾ ഇറക്കിയ മിസ്ബാഹുൽ ഉലൂം മാഗസിൻ   ഹസീബ് അസ്ഹരിക്കു വില്യാപ്പള്ളി ഉസ്താദ് കോപ്പി നൽകി ഉത്ഘാടനം ചെയ്തു .

--